Ný stjórn Kennarafélags Suðurlands var kjörin á aðalfundi félagsins 25. september síðastliðinn.  Í stjórn voru kjörnir: Sigurður Halldór Jesson, formaður; Guðmundur Björgvin Gylfason, varaformaður; Jórunn Helena Jónsdóttir, gjaldkeri; Steinunn Alda Guðmundsdóttir, ritari og Elín Einarsdóttir, meðstjórnandi.

Kennarafélag Suðurlands samanstendur af kennurum úr 15 skólum á Suðurlandi. Áhrifasvæði þess nær frá Þorlákshöfn í vestri til Kirkjubæjarklausturs í austri og að auki upp í innsveitir Suðurlands. Félagssvæðið er því víðfemt og svæðið stórt sem félagsmenn dreifast á.